Монголчууд шинэ ерөнхийлөгчтэй болж, Ардчиллыг дэмжигчид бөөн баяр хөөр болж байсан цаг саяхан мэт. Мэдээж олны санал авч, төрийн тэргүүнээр сонгогдож чадсан Элбэгээ  ерөнхийлөгч ч энэ баярыг  тун сайхан тэмдэглэсэн бололтой юм. Найр наадам, архи дарс, зугаа цэнгэл хөөж байгаа төрийн тэргүүнийг  бас залуухан бүсгүйчүүд ч хүрээлж байсан гэнэ. Монголын хамгийн анхны нэгэн сайт дээр түүний бүсгүйчүүдтэй авахуулсан тун хөгжилтэй зургууд тухайн үед тавигдсан байх юм. “Зиак манай шинэ Ерөнхийлөгч Ц.Элбэгдорж гуай хүүхнүүдийг ч жаатай эргүүлж байна доо” гэсэн тайлбартайгаар нийтлэсэн байлаа. Энэ зургаас харахад ерөнхийлөгч  Ц.Элбэгдорж  Солонгосын хөрөнгө оруулалтай “Сүнжин гранд” зочид буудалд л хүүхнүүдтэй уулзсан бололтой. Монгол улсын төрийн тэргүүн тун намбагүй  загнаж байгаа нь дээрх зургуудад тун тод гарч. Энэ зургуудийг яг хэзээ, ямар арга хэмжээн дээр авсан нь тодорхой бус байна. Харин тэр зураг байршсан сайтынхан “Шинэхэн ерөнхийлөгч хүүхнүүдийг ч жаатай эргүүлж байна аа” гэж тайлбар тавьсаныг бодоход саяханы зураг бололтой. Түүнээс гадна шинэ ерөнхийлөгчийн янз бүрийн хүүхнүүдтэй зугаацаж байгаа зургийг  тус сайтынхан “Оддын секс амьдрал” буландаа тавьсан байсан билээ. Бэлгийн замын халдварт өвчин, нууц амрагууд, гэр бүлийн ээдрээт амьдрал, тайчигчид, нүцгэн шалдан хүүхнүүдийн дунд Монгол улсын төрийн тэргүүний арзайтлаа инээчихсэн, хүүхнүүдтэй зугаацаж байгаа зургуудийг харахад сайхан санагдахгүй л байна билээ. Тэр сайтад тухайн үед зочилж, тэрхүү зургийг үзсэн хүмүүс ч “Ёо энэ тэнэг Элбэгдорж жоохон намбатай баймаар юм аа. Дарвайтлаа инээгээд тэр хүүхэн рүү харж байгааг нь ээ.” “Баахан гэмт хэрэгтэнг сулалж Монгол улсыг гэмт хэргийн үүр болгох гэж байгаагаа мэдэдгүй юм уу, хаашаа юм? Одоо амласан зүйлээ таг мартсан даа энэ нөхөр” гэх гэх мэтээр сэтгэгдлээ бичсэн байлаа. Хүсвэл энд дараад орж үз. Монголчууд “Далан настанд ч даруулга хэрэгтэй” гэж ярьдаг. Энэ үг төрийн тэргүүнд ч гэсэн  хамаатай л байх. Монгол улсын нүүр царай, бас болоогүй Үндэсний эв нэгдлийг хангах учиртай ерөнхийлөгч маань нэрээ хичээж, буурь суурьтай байж, хаана ч намба алдахгүй байхыг бүх л хүн хүсч байгаа нь дамжиггүй.